Veräinsbuch

Fir de Keessier: Beleger, Auslagen a Keesserevisioun ouni Stress

Als Keessier (Kassierer, trésorier) vun engem Veräin dréit een déi meeschte Verantwortung – a meeschtens och déi meeschten Zettelen. Veräinsbuch hëlleft dem Keessier, Beleger, Auslage vu Memberen, d’Ziele vun der Keess an d’Virbereedung vun der Generalversammlung op enger Plaz ze maachen. All dës Funktioune sinn am Pro-Pak.

14 Deeg gratis testenKeng Kreditkaart néideg · an 2 Minutte prett

Wat e Keessier am Veräin alles mécht

Den Tresorier oder Keessier hält d’Finanze vum Veräin am Bléck: Hie bezilt Rechnungen, kritt Suen eran, iwwerweist Memberen hir Auslagen, zielt no all Fest d’Keess a stellt um Enn vum Joer de Keesserapport fir d’Generalversammlung op. Dobäi kommen d’Ufroe vum Comité: „Wéi vill hu mir nach op der Bank?“ oder „Huet sech d’Kiermes gerechent?“

Typesch Problemer vum Keessier

Dat kascht Zäit an Nerven – a mécht et schwéier, d’Keess spéider un en Nofolger ze iwwerginn.

  • Beleger kommen ze spéit, onliesbar oder guer net
  • Membere froen ëmmer erëm, wéini se hir Suen zréckkréien
  • D’Festkeess gëtt um Kichendësch gezielt an op engem Stéck Pabeier notéiert
  • D’Excel-Tabell versteet just de Keessier selwer
  • Bei der Keesserevisioun feelen Unhäng oder Erklärungen

Auslage vu Memberen zréckbezuelen

Mat Veräinsbuch gëtt all Member seng Auslage selwer an: Keesszettel fotograféieren, de Betrag gëtt automatesch erkannt, kuerz notéieren, fir wat et war. De Keessier kritt eng Matdeelung, kontrolléiert de Beleg, gëtt d’Auslag fräi a markéiert se no der Iwwerweisung als bezuelt. D’RIB vum Veräin an déi vun de Membere sinn hannerluecht.

Esou weess jiddereen, wou seng Auslag drun ass, an de Keessier muss net méi hannert Zettelen hierlafen.

Keess zielen a Bezuelbeleger

Virum Fest zielt de Keessier d’Wiesselgeld, duerno de Keessestand – Scheiner a Mënzen direkt an der App. D’Resultat gëtt automatesch am Keessebuch verbucht an dem richtegen Evenement zougeuerdnet, sou datt de Bilan vum Fest direkt prett ass.

Bezuelt dir en DJ, eng Musek oder eng Hëllef ouni Rechnung, maacht dir e Bezuelbeleg (Quittung, preuve de paiement) mat Ënnerschrëft um Écran. De PDF gëtt et op Lëtzebuergesch, Däitsch, Franséisch, Englesch an Hollännesch, mam Betrag a Wierder.

Generalversammlung a Keesserevisoren

Um Enn vum Veräinsjoer dréckt dir d’Keessebuch als Resumé oder am Detail, mat Konten a Schlusssaldo. Fir d’Keesserevisoren (Kassenrevisoren, réviseurs de caisse) exportéiert dir alles als PDF, Excel oder CSV, an d’Beleger hänken un de Buchungen. Esou ass d’Keesserevisioun séier gemaach.

Wiesselt de Keessier, bleift alles am Veräin: Den Nofolger fënnt Keessebuch, Beleger a Kontakter direkt.

Praktesch Tipps fir de Keessier

E puer einfach Gewunnechten erspueren dem Keessier um Enn vum Joer vill Aarbecht:

  • Beleger direkt beim Akaf fotograféieren, net eréischt um Enn vum Mount
  • Eng kloer Regel am Comité: keng Auslag ouni Beleg
  • D’Festkeess ëmmer zu zwee zielen an d’Resultat direkt festhalen
  • D’Kontoauszich regelméisseg aliesen a mam Keessebuch vergläichen
  • De Keesserevisore fréi genuch d’Exporter an d’Beleger ginn

Wat kascht d’App fir de Keessier?

D’Keessefunktioune sinn am Pro-Pak fir 14,95 € de Mount pro Veräin – net pro Member. Dobäi ass alles aus dem Basis-Pak an 1 GB Späicher. Mat Basis (9,95 € de Mount) kritt dir Aufgaben, Rapporten, Terminer, Ëmfroen, Lager a Memberen, awer keng Keess. Dir kënnt jidderzäit wiesselen an all Mount kënnegen.

Einfach Präisser

Pro Veräin, egal wéi vill Memberen. All Mount kënnbar.

Basis · 9,95 € / Mount

  • Aufgaben & Erënnerungen
  • Sëtzungsrapporten
  • Terminer & Ëmfroen
  • Lager
  • Memberen, Helfer & Kontakter
  • Push, Offline, 5 Sproochen
  • 500 MB Späicher abegraff

Pro · 14,95 € / Mount

  • Alles aus Basis
  • Keess & Auslagen mat Belegscan
  • Keessebuch & Bilan pro Fest
  • Kontoauszich aliesen
  • Keess zielen & Bezuelbeleger
  • 1 GB Späicher abegraff

An den 14 Testdeeg ass alles fräigeschalt. Duerno wielt dir Basis oder Pro – oder dir haalt einfach op. Méi Späicher bei Bedarf: +5 GB fir 1,95 € de Mount.

Heefeg Froen

Muss de Keessier eppes installéieren?

Nee. Veräinsbuch leeft am Browser um Handy, Tablet oder Computer. Wie wëll, leet et wéi eng App op de Startbildschierm a kritt Push-Matdeelungen, wann eng nei Auslag erakënnt.

Kann de Keessier offline schaffen?

Jo. Wann am Festzelt oder am Veräinsbau kee Reseau ass, bleift alles, wat dir agitt, um Apparat gespäichert a gëtt spéider geschéckt.

Ersetzt Veräinsbuch eng Buchhaltung?

Nee. Veräinsbuch ass e Keessebuch fir kleng Veräiner, keng duebel Buchhaltung a keng Software fir Steiererklärungen. Et hëlleft, d’Keess propper ze féieren an d’Zuele fir d’Generalversammlung prett ze hunn.

Wie gesäit d’Keess?

Dat regelt dir iwwer d’Rollen: Admin, Member a Keessier. De Keessier féiert d’Keess, während d’Memberen hir eegen Auslagen aginn a verfollegen.

Kënne mir Memberebäiträg mat Veräinsbuch anzéien?

Nee, Bäiträg ginn net automatesch ageholl oder per Lastschrëft agezunn. Dir kënnt d’Agäng awer am Keessebuch verbuchen, z. B. iwwer den Import vum Kontoauszich.

Kann ech d’Keess virdrun testen?

Jo, 14 Deeg gratis mat alle Funktiounen, och der Keess, an ouni Kreditkaart. An 2 Minutte prett.

Wéi féiere mir Payconiq a Boergeld?

Am Pro-Pak féiert dir Bank, Spuerkont, Boergeld a Payconiq als separat Konten am Keessebuch vum Veräinsjoer. Esou gesäit de Keessier zu all Moment, wéi vill Suen op wéi engem Kont sinn.

Maacht dem Keessier d’Liewe méi einfach – 14 Deeg gratis testen.

Elo Veräin registréieren